Fredag 17. oktober 2008 hadde LLH sitt første sosiale arrangement på Voss. Det var ein hyggeleg kveld der vi hadde besøk av
Kim Friele som holdt foredrag. Det var ein spent gjeng som tok turen til Voss denne fredagen. Leiar, sekretær og redaktør
hadde tatt på seg oppgåva med å støtte opp under å få i gang lokal aktivitet på Voss. Heldigvis har vi Jenny Tøn som har vore
ansiktet til homoaktiviteten på Voss utad.
Etter ein god middag var det på tide å gå til lokalet for å lage det i stand. Kim hadde komt med toget frå aust og var i
godt humør. Etter å ha stelt lokalet til og dei frammøtte hadde komen inn og fått varmen i seg, ønskte leder Tore velkomen.
Han informerte om bakgrunnen for arrangementet og om kva LLH er og kva vi vil med å lage aktivitet på Voss. Jenny talte også
litt og fortalde kor glad ho var for at så mange hadde tatt turen denne kalde kvelden på Voss.
Etter dette var det Kim Friele sin tur. I ein og ein halv time holdt ho foredrag om homokamp. eigne erfaringar og om kor
viktig det er å vite kven ein er. Identitet og trua på seg sjølv, og at ein har gode omgivelsar er viktig. Derfor var også
Kim veldig glad for å sjå alle som var her denne kvelden og var interessert i å danne eit nettverk for Voss om omland.
Etter dette skrudde vi opp musikken, koste oss med økologisk mat og god drikke. Timane gjekk og praten var hyggeleg og folk
vart kjende med kvarandre. Nokon måtte gå tidleg, mens andre holdt ut lengre.
I etterkant av samlinga ser det no ut til at vi kan få på beina eit styre for LLH Voss. Dermed er det også danne eit grunnlag
for framtidige arrangement. Forhåpentlegvis kan eit styre vere på plass innan få veker. Vi håper derfor å kunne tilby eit
nytt arrangement på Voss før jul.
Vil du vere med på det? Sende ein epost til voss@llh.no som skal vi føre deg på epostlista vår slik at du får info sendt direkte heim til deg!
