Oanehaččat muitaluvvon: LLH ovddida dásseárvvu ja vuosttalda juohkelágan vealaheami homofiillaid, lesbaid, bifiillaid ja tránsaolbmuid
(lhbt-persovnnaid) vuostá Norggas ja muđuid máilmmis.
Guhkibuččat muitaluvvon: Rahčan ii leat vel nohkan, vaikke vel ollugat orrot dan navdimin maŋŋágo náittusvuođaláhka bođii fápmui ođđajagimánu 1. b.
2009. Homodoarruma 60 jagi ávvudeami oktavuođas 2010 geasi celkkii DNF48-veterána Vigdis Bunkholdt Gaysirii ahte: "Dat gii
navdá ahte homodoarruma sáhttá vuoitit agibeaivái, son čájeha ahte sus váilu áddejupmi das man mohkkái almmolašvuohta lea.
(...) Dieppe olgun lea ain viehka moivi."
Varas raporttat maid čájehit ahte lhb-sápmelaččat leat leamaš oaidnemeahttun joavku homorahčamis dán rádjai, minoritehta minoritehtas.
Mii fertet dovddastit ahte midjiide leat T-sápmelaččat ain apmasat.
Min mielas ii dárbbaš ii eahpidit ge: Rahčamuš jotkojuvvo, ja dat lea hui guovdilis ášši. Mii oččodit skuvlla, dearvvašvuođalágádusa ja riektelágádusa rievdadit
guottuid ja bajidit gelbbolašvuođa, ja mii bargat dan ala ahte lbht-álbmoga dearvvašvuođa- ja eallindilit Norggas galget buorránit.
Mis leat maiddái aktiiva fylkkasearvvit miehtá riikka mat áŋgiruššet dainna ahte galgá leat álkit eallit lbht-olmmožin doppe
gos don orut ja geaid barggu ii sáhte ii árvvoštallat ge, ja mii áŋgiruššat ollu dainna ahte buoridit lhbt-vuoigatvuođaid
riikkaidgaskasaččat.
Coahkkal min sierranas áŋgiruššansurggiide gos oaččut eanet dieđuid!